KUCHING: Program Sistem Latih Dual Nasional (SLDN) entara sistem ti mantu ngerumban pemansang menua.

Menteri Muda Pelajar, Sains enggau Pansik Teknologi Dr Annuar Rapa’ee madah bemacham industri bekaul pengelandik udah mantu nyungkak ekonomi menua kelebih agi minyak enggau gis.

Ku iya, pengereja landik tau dikumbai ‘seput’ ti ngidupka pejalai industri nangkup peminta pemansang dunya kemaya hari.

“Enti nadai pengereja landik ba menua tu, kitai enda ulih nyapai juluk nyadi menua mansang.

“SLDN mega mujur nempa mayuh pengereja landik ti ngidupka pemansang meruan agi,” ku iya.

Annuar madah munyi nya ba pengerami Konvokesyen SLDN Renggat Nengeri Sarawak Ketiga 2019 di Palan Aum Borneo Kuching (BCCK) ditu tadi.

TABI PUJI… Annuar nyuaka setipikit ngagai siku nembiak SLDN lebuh pengerami Konvokesyen SLDN Renggat Nengeri Sarawak Ketiga 2019 di BCCK pagi tadi.