KUCHING: Kaban Kaunsil Pengusung Sepital Besai Sarawak (HUS) udah nyadung 4,000 sengkabung mua ngagai mensia mayuh ba lobi sepital nya ditu tadi.

Ketuai komiti kaul mensia mayuh kaunsil nya, Boniface Willy Tumek madah, sebedau tu bisi 25 kaban kaunsil udah minta agih belanja ari Perintah Besai dikena nyendiaka sengkabung mua nya.

“Tu berindik ari gaya hari kitai diatu ti besebun lalu kami udah nerima agih belanja ari Perintah Besai dikena meli sengkabung mua sereta disadung ngagai mensia mayuh dikena nyaga lempuang sida,” ku iya.

Iya mansutka jaku nya lebuh ngetuaika bala kaban kaunsil bukai nyadung sengkabung mua ba lobi HUS pagi tadi.

NYAGA PENGERAI… Bala Kaban Kaunsil Pengusung HUS nyadung sengkabung mua ngagai mensia mayuh ba lobi sepital nya.