Anak seni di Sarawak diperundingka perintah

KUCHING: Opis Menteri Komunikasyen Malaysia merambu deka numbuhka sebuah komiti mit dikena berundingka kuing pemansang raban anak seni muzik di Sarawak.

Menteri iya, Gobin Singh Deo madahka tim mit tu dipilih ari sida ti ngembuan peneleba ba pekara industri seni muzik di Sarawak.

“Mayuh pekara ti ditapi sida bala anak seni muzik ditu baka belanja, atur birokrasyen, bantu ari perintah enggau makit bala raban seni muzik di Sarawak.

“Nengah komiti ti deka ditumbuh tu kitai deka betunga mua enggau pengari sida berandau ke penanggul tu ngambika ulih ngatur kerejasama entara perintah besai enggau sida ti bekaul ba industri muzik,” ku iya.

MUTAR PENANGGUL…Gobin Singh Deo (lima kanan) begambar bebala mayuh pengudah Program Juh Berambeh Begulai Raban Seni ditu, kemari.

Gobin bejaku munyi nya lebuh ditanya pemberita ba Program Juh Berambeh Begulai Raban Seni ditu, kemari.

Tandu iya, penyampau kaban komiti ti deka ngemujurka tu ila bepanggai ba guna pekara seni muzik ti deka dikerandau sida.

“Aku enda ulih ngeletak berapa iku raban dalam komiti tu, laban bepanggai ba guna pekara seni muzik ti deka dipejurai.

“Tang ba penemu aku empu, manah kami bepun ba komiti ti mit dulu ngambika muntang endur berunding.

“Tim tu ila deka suah baum lalu ngiga jalai mutarka penanggul ti ditapi bala orang ti ngembuan pengelandik ba seni muzik ditu,” ku iya.

Tandu ila tim tu ila deka diatur kerejasama begulai enggau Finas dikena mantu raban anak seni muzik ba timpuh pandak enggau panjai.