KUCHING: Indeks Pengamah Angin (IPU) di Sarawak majak niki ba tebal agi kandang menua besebun enggau Kuching ngerikod bacha pemadu tinggi iya nya 272 naka pukul 8 pagi tu.

Nitih ku ripot ninting hari penusah besebun Sarawak, kandang menua bukai ti ngerikod bacha IPU tau ngeruga pengerai iya nya Sibu 237, Samarahan 230, Sarikei 227 enggau Sri Aman 206.

Bela ngerikod bacha tinggi iya nya Bintulu enggau IPU 151, Mukah 197, Miri 111, ILP Miri 107 sereta Samalaju 132.

Sepenyampau 17 tumpuk angat ditemu ba menua tu enggau 386 di Kalimantan, Indonesia.

Ba lansa bukai, sepenyampau 890 sekula ditutup sehari tu ti ngaul 125 buah sekula sekondari enggau 765 sekula primari ke alai 254,499 iku nembiak enda nurun ke sekula.

NGERUGA PENGERAI… Tinjau gaya hari besebun adap Bukit Serapi ari Metro City, Matang di Kuching ditu.