KUCHING: Perintah Besai patut ngelangkar siti undang-undang bekaul enggau referendum dikena mutar pekara ti besai.

Kaban Parlimen Santubong Datuk Seri Wan Junaidi madahka referendum tu siti kereban (instrument) undang-undang ti dilangkar ngambi ulih bejalaika demokrasyen.

“Reti iya, enti bisi pekara berat, rayat patut nyadi ‘suara’ ti meri pemutus lalu ukai orang politik tauka perintah.

“Taja pia, kitai nadai undang-undang ti ulih dikena bejalaika referendum tu,” ku iya.

Wan Junaidi madah munyi nya lebuh dirandau Suara Sarawak pengudah Forum Referendum-Facts and Legal Implications diatur ba Auditorium Majlis Bandaraya Kuching Selatan (MBKS) ditu, malam tadi.

NGEMPUNG PENEMU… Entara panel ke ngulu Randau Referendum -Facts and Legal Implications. Gambar- GHAZALI BUJANG