KUCHING: Pengerami Jazz Waterfront Kuching (KWJF) musin ketiga datai baru deka mandangka mayuh agi pemerindang ari artis tebilang menua sereta menua luar.

Direktor KWJF Edwin Abit madah sida dipelaba deka ngubah haribulan pengerami ninting taun nya berindik ari gaya hari besebun ti suah nyadi ba bulan September.

“Kami minta ampun laban nukar palan pengerami ti patut dipejalai ba Walkway Tisi Hotel Grand Margherita tang ditukar ngagai Dewan Masyarakat MBKS berindik ari gaya hari besebun.

“Tu siti ari kebuah ti ngasuh kami berunding deka nukar haribulan pengerami tu laban deka nagang penanggul nya nyadi baru.

“Taja pia, kami deka beratika pekara nya baru pengudah semua pansik digaga,” ku iya.

Edwin madah munyi nya rambau aum pemberita KWJF ba sebuah hotel ditu, tadi.

NYAIN POSTER… Penanyi The Fingerprints enggau Q Sound nyain poster KWJF 2019 dikena mantu gerempung ke dipilih dalam projek CSR.