KUCHING: Baru sebulan megai pangku pengawa Menteri Muda Utiliti (Bekal Ai), Datuk Dr Abdul Rahman Junaidi chakah ngatur pejalai ngagai semua ejensi menggi tanggungpengawa meri bekal ai beresi di Sarawak.

Tuju iya endang deka ngerumban projek pemansang bekaul penyikap perengkaguna pemun sereta nentuka pun penanggul nyadi teputar meruan.

Sepanjai minggu nyin tadi enggau minggu tu, Dr Abdul Rahaman udah ngatur pejalai ngagai LAKU Management Sdn Bhd, Kaunsil Ai Sibu, Opis Bekal Ai Menua Pesisir (JBALB) enggau Kaunsil Air Kuching (LAK).

“Aku udah berandau enggau pemesai ngatur pengawa sereta bala staf ejensi ti bejalaika servis enggau meri bekal ai.

“Aku mega bisi mendingka penerang pasal chara nimbun ai, mantis ai enggau nyambung ngagai penguna ba kandang mengeri enggau menua pesisir,” ku iya lebuh dirandau Suara Sarawak.

MUTARKA PENANGGUL… Dr Abdul Rahman begambar begulai enggau bala staf LAK pengudah tembu berandau.