SIBU: Sebuah kuarters pengereja pengawa kilang ditu nyauka angus lengis ba Jalai Ting Lik Kwong, kemari

Penusah tu ngujungka empat pintu bilik endur diau 14 lelaki enggau siku indu peranak Indonesia angus 90 peratus.

Ketuai Balai Bomba enggau Penyah Penusah (BBP) Sungai Merah, PKPgB Suna Kaha madahka piak sida nerima ripot urung pukul 9.36 pagi

Piak sida nganjung kereban madamka api enggau lima raban ari BBP Sungai Merah sereta nganjung lima raban ari BBP Sibu.

“Penusah angus nyadi ba begunan pemesai 12 meter x 40 meter persegi lalu piak kami udah nerima bantu lima raban ari BBP Sibu ngambi berumban bejalaika operasyen ngerara api ba begunan nya.

“Lebuh meresa, kami tetemuka 15 iku ke diau ba bilik kuarters nya ditukuka selamat magang,” ku iya meri penerang, kemari.

Berebak enggau nya ku iya, operasyen ngerara api ari raban bomba tembu urung pukul 10.24 pagi pengudah api abis dirara.