SERIAN: Ketuai Komuniti enggau Ketuai Raban Bansa (KMKK) ba Serian anang pechayaka agenda pasal penumbuh Komiti Pengatur Komuniti Genturung Pendiau (MPKK).

Menteri Pelajar, Sains enggau Pansik Teknologi Datuk Sri Michael Manyin Jawong madah, semua KMKK ba Serian patut nyaga penyerakup rayat ba kandang menua sida.

Iya mansutka jaku nya rambau Program Meri Penyedar Pekara Ke Nyadi ngagai Ketuai Komuniti enggau Ketuai Raban Bansa Bidayuh Bagi Menua Serian ditu, ensanus.

Adun Tebedu nya mega madahka, tanggungpengawa Komiti Pemansang enggau Pengelikun Genturung Pendiau (JKKK) agi diguna ba renggat baruh.

Nya alai ku iya, arapka penumbuh MPKK enda ngasuh saru penemu enggau ngujungka penyarut entara rayat.

NERANG… Datuk Sri Michael Manyin Jawong