KAPIT: Siku apai tuai orang ke berumur 41 taun udah ditemu parai lemas sehari tu tadi ba Sungai Tekalit, Song.

Dulu ari nya, operasyen ngiga lelaki ke lemas tu diuluka Pemesai Opis Bomba II Song, Nasihin Jaudari enggau dibantu lapan iku raban Bomba Song sepengudah nerima kangau ba jam 10.30 pagi kemari.

Orang ke lemas tu iya nya Seli Gong, ditemu urung iya 1KM ari operasyen ‘Surface Water Rescue’ tekait ba adan kayu ba sungai urung iya jam 10 pagi tadi.

Seli dipelaba karam lebuh bekenaka perau sepengudah iya mulaika diri ari Rumah Endah, Nanga Sepayang, Tekalit nurun bebelika perengka dikena besembiang.

Tubuh Seli Gong peranak Rumah Changai, Nanga Tengangai ,Tekalit, Song tu udah diserah ngagai piak polis ngambika pansik silik.