SARATOK: Kaul runding enggau selubang penemu entara apai indai enggau pengajar beguna amat nentuka pemujur semua perambu ke pemansang pelajar bala nembiak.

Nya alai ku Kaban Parlimen Saratok Ali Biju, sukung enggau kerejasama kededua raban tu patut ditanggam rat lalu besaup gawa ngangkatka nama sekula.

“Kitai nemu besai belanja diguna ke pemansang nyengkaum infrastruktur enggau penyikap perengka guna pemun nentuka pengelantang nembiak enggau sekula diintu meruan.

“Kitai mega nemu agi tubah sekula ba menua kitai patut diseleti enggau dikemanah ti begunaka belanja ke besai.

“Tu entara pemar ditapi perintah baru laban mayuh sekula bela minta belanja, enggai agi tinggal ba pemansang, ngerebut semua peluang ke bisi disedia,” ku iya ngelansa lebuh dirandau Suara Sarawak.

Ali mansutka jaku tu ba mua mayuh lebuh bejadika Pengerami Makai Lemai Begulai Enggau Serakup Apai Indai enggau Pengajar (PIBG) Sekula Primari (SK) Kalaka Central ditu, Hari Enam tu tadi.