SARIKEI: Sepenyampau 36 ketuai komuniti mantah pengawa numbuhka Komiti Pengatur Komuniti Genturung Pendiau (MPKK).

Sida nulak perambu sereta ningkah penemu Perintah Besai ti deka numbuhka MPKK rambau Aum Gerempung Ketuai Komuniti enggau Ketuai Raban Bansa Iban (PKMKK) Sarikei ditu.

Sapit Sekretari PKMKK Sarikei, Tuai Rumah Keli Angai madahka sida enda begunaka MPKK laban pangku pengawa Komiti Pengelikun enggau Pemansang Genturung Pendiau (JKKK) ke diatu udah chukup engkeman ngatur pengawa ba rumah panjai tauka genturung pendiau.

Nangkan nya ku iya, JKKK meruan dipejalai enggau manah kelebih agi maya mantu genturung pendiau tauka rumah panjai ba kandang menua nya ngatur pengawa tauka projek pemansang.

“Kami selubang penemu nulak tauka mantah MPKK enggau enggau bala komiti ti deka dipadu gawa ba kandang menua kami.

“Nya kebuah kami deka matau sereta meri penerang ngagai semua rayat renggat baruh ditu bekaul pekara tu,” ku Keli ngagai Suara Sarawak, ditu tadi.