SIBU: Tim Mutar Penusah Ngenyit Komuniti tauka Community Emergency Response Teams (CERT) patut ditumbuh mayuh agi ba menua Sarawak.

Sapit Kepala Menteri Datuk Amar Douglas Uggah Embas madahka raban CERT tu deka nyadi rintai keterubah ngesah penusah ngenyit seraya nganti penatai raban profesional.

“Abis nadai bisi entara sida tu ke udah dilatih ba penemu ngaga pemutus, ngatur sereta mantu mensia mayuh.

“Ambika chunto ba penusah ampuh bah, sida ulih ngaga pemutus maya ke patut alai sida ke kena penusah nya dipindahka kelebih agi sida ke sakit enggau orang tuai,” ku iya.

Uggah madah munyi nya lebuh bejadika pengawa nutup kus empat hari CERT di YMCA Resort, Jalai Ulu Oya ditu tadi.