KUCHING: Gerempung Pengajar Sarawak (STU) setujuka penemu pangku pengawa warden nyadi kereja tetap ngambika pengajar ulih bejalaika pangku pengawa ngajar.

Presiden STU Macky Joseph madahka STU pechaya bungkur pangku pengawa dipejalaika warden enggau pengajar agi begunaka pengawa sida ba buding.

Nya alai ku Macky, manah endar enti memorandum minta pangku pengawa warden enggau perambu sekeda chara mutarka pekara nya dibantai ngagai Menteri Pelajar Malaysia.

Kelimpah ari nya ku iya, warden napi mayuh pemar baka beranjungka nembiak tabin ke klinik kelebih agi ba kandang menua pesisir.

Kebuah pia laban nadai sambung jalai ti meruan ngelawa buding kelimpah tebal agi buding udah repuk amat lalu tau ngeruga pengelikun nembiak enggau warden.