SIMANGGANG: Bagi Menua Sri Aman deka diangkat nyadi mengeri strategik ba pemansang infrastruktur jalan tebing tasik lalu deka ngubah rampa menua tu.

Kepala Menteri Datuk Patinggi Abang Johari Tun Openg madah, dalam timpuh lima taun iya nya datai ba RMK-12 ti deka berengkah ari taun 2021, Sri Aman deka diubah.

“Pemadu beguna, Sri Aman deka nyadi mengeri strategik lalu badu agi baka sebedau tu.

“Orang madah Sri Aman kena pansa aja, udah tu badu agi kena pansa, tang orang deka datai ke Sri Aman.

“Kebuah pia laban udah tu deka berubah. Dalam timpuh RMK-12 lalu aku udah berandauka kuing pemansang kandang menua Sri Aman ti meruan agi,” ku iya lebuh bejadika Pengerami Benak ditu, kemari.

“Kitai mega deka ngangkatka begunan Residen Bagi Menua Sri Aman nyadi pesaka asal, endur numbuhka galeri.