KUCHING: Pelajar enggau Latih Teknikal enggau Vokasional (TVET) nyadi peransang perintah nempa pengereja pengawa landik ba menua tu.

Sapit Menteri Dalam Menua enggau Pekara Bebelika Barang (KPDNHEP) Chong Chieng Jen madahka pekara tu ukai semina ulih nempa mayuh pengereja pengawa ti landik tang mega ngurangka guna pengereja menua luar.

“Perintah deka seruran nambahka penau nembiak dalam TVET ngambika beratika guna industri teknologi tinggi deka diempu bala pengereja pengawa menua tu,” ku iya.

Teks jaku nya dibacha Adun Pending Violet Yong Wui Wui lebuh pengawa bejadika Program Bejalai TVET KV/SMT ba sebuah palan bebelika barang ditu, tadi.