Unimas ngading S’wak mansang

KOTA SAMARAHAN: Kaul entara Perintah Sarawak enggau Univerisiti Malaysia Sarawak (Unimas) ti nyadi tulang belakang mantu nyapai juluk Sarawak Menua Mansang manggai 2030 nyadi nyata.

Kepala Menteri Datuk Patinggi Abang Johari Tun Openg madahka Unimas endang nipakka tuju Perintah Sarawak ngubah Bumi Kenyalang tu nyadi sebuah menua mansang sereta ngembuan penatai pemisi tinggi sebedau taun 2030.

“Perintah Sarawak chukup andalka Unimas dalam bejalaika pengawa pemansang pansik enggau teknologi dipejalai enggau penuh ngambika nyukung sektor ekonomi digital.

“Pemansang digital Sarawak patut bepelasarka teknologi 5G ti bisi pengulih real time dalam beratika ekonomi kitai udah besedia napi ubah nguing ngagai ekonomi digital,” ku iya.

Abang Johari madah munyi nya ba Pengerami Konvokasyen Unimas Ke-23 ditu, tadi.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak