Projek ditinda pun taun baru

KUCHING: Sub pakej projek Jalai Besai Kedua disadang berengkah ditinda dalam pun taun baru.

Sapit Kepala Menteri ti mega nyadi Menteri Infrastruktur enggau Pemansang Penyangkai Kapal (GPS-Baleh) Tan Sri James Jemut Masing madahka Jalai Besai Kedua nya deka nyadi jalai alternatif ngagai Jalai Tebing Tasik enggau Jalai Besai Pan Borneo.

“Jalai alternatif tu deka ngemuntangka agi pejalai sereta mandakka timpuh pejalai ari Kuching ngagai Simanggang, Betong enggau Sibu,” ku iya.

Masing madah munyi nya lebuh nyimpul jurai ba Aum Kedua Renggat Keempat Dun Ke-18 ditu tadi.

Nangkan nya ku iya, bisi tiga pakej ba projek Jalai Besai Kedua tu dipejalai nitihka langgur.