KUCHING: Ketuai komuniti Iban Bagi Menua Kuching, Temenggong Datuk Bernard Aggan meri pengaga ati ngagai Kepala Menteri Sarawak, Datuk Patinggi Abang Johari Tun Openg laban seruran ngenatika pengelantang rayat.

Ku Bernard, Abang Johari siku ketuai ti siruka rayat, nyata dipeda ari agih belanja RM100 juta dikena mayar elaun chairman Komiti Pengelikun Genturung Pendiau (JKKK).

“Kitai muji pemanah ati ketuai ti seruran berundingka rayat renggat baruh ti besaup gawaka pemansang sereta nentuka polisi enggau agenda Perintah Sarawak bejalai enggau lanchar.

“Nya alai, penyiru Abang Johari tu mandangka semina peranak menua tu aja ti meretika peminta rayat lalu pemadu engkeman dipilih nyadi ketuai,” ku iya ba sebengkah penerang berita ditu, kemari.