“Ba Darul Hana, kitai ukai semina ngemansangka pengawa mindah baru sida komuniti tang meri fokus mega ngagai pengawa pelajar.”

KUCHING: Sekula Primari (SK) Pulo deka nyadi kelai baru pengawa pelajar Sarawak pengudah sekula nya ila dikemansang nyadi siti sekula pintar.

Menteri Muda Utiliti (Bekal Ai) Datuk Dr Abdul Rahman Junaidi madahka begunan baru sekula nya deka dikemansang ba tanah pemesai lima ikar ba endur pemansang Darul Hana ditu.

“Ba Darul Hana, kitai ukai semina ngemansangka pengawa mindah baru sida komuniti tang meri fokus mega ngagai pengawa pelajar.

“Taja kitai nemu sekula ba baruh tanggungoengawa Perintah Besai tang ungkus ngaga projek begunan sekula tu dipelanja Perintah Sarawak,” ku iya.

Abdul Rahman madah munyi nya lebuh dirandau pemberita pengudah ngabas taba projek di Petra Jaya ditu, pagi tadi.

Nangkan nya ku iya, Opis Pelajar Nengeri Sarawak (JPNS) deka nyendiaka langkar sekula nya.

“Kami udah besetuju ngemansangka sekula pintar tu seriris enggau pemansang mengeri pintar Darul Hana,” ku iya ti mega Menteri Muda ba Opis Kepala Menteri (Pekara Islam enggau DBKU).

Kelimph ari nya, Madrasah Al-Falah ti bisi di Kampung Pulo Ulu diatu mega deka dipindahka besemak enggau Masjid Darul Hana.

“Tu mandangka kitai mega meri fokus ukai semina ba pengawa pelajar tang mega ngagai pengarap,” ku iya nambah.