KUCHING:  Menteri Besai Tun Mahathir Mohamad, Kepala Menteri Sarawak Datuk Patinggi Abang Johari Tun Openg enggau Kepala Menteri Sabah Datuk Seri Mohd Shafie Apdal dipelaba ngatur randau pasal pekara bayar royalti enggau bayar mata duit ungkup petroleum enggau gis Disember ila.

Kenu ku Menteri Muda ba Opis Kepala Menteri (Undang-undang, Kaul Sarawak enggau Perintah Besai sereta Matau Projek) Datuk Sharifah Hasidah Sayeed Aman Ghazali, randau nya entara pekara dipesetuju ba aum kepenudi Komiti Khas Kabinet (Pemandu) beratika baru pejalai Sempekat Malaysia 1963 (MA63) di Putrajaya Hari Satu tu tadi.

Nambah nya ku iya, randau Business-to-Business (B2B) entara Petronas, Petros enggau Perintah Sarawak deka ditampung kena mutarka pekara petroleum enggau gis.

“Ngelansa pasal pekara Petroleum enggau gis, Pemandu tu udah setujuka randau B2B entara Petronas, Petros enggau Perintah Sarawak deka ditampung.