KUCHING: Bansa asal ti udah bisi pala tanah dilalau enda nyual tanah sida kelebih agi bansa Melayu.

Kepala Menteri, Datuk Patinggi Abang Johari Tun Openg madahka diri tekenyit meda surat peminta betukar tanah adat ngagai zon begulai.

“Aku deka ngingatka semua bansa asal Sarawak anang sesekali nyual tanah ti udah bisi pala.

“Enti tanah nya udah lepas ngagai jari orang bukai ngujungka kitai nadai tanah agi,” ku iya.

Iya mansutka jaku nya lebuh bejaku nangguhka Forum Kanun Tanah (Ubah) 2018 ditu tadi.