Klinik tu pesakit ulih mendingka penerang chara nyaga pengerai nengah online lalu enda ibuh betemu mua enggau lutur ba renggat tumu.”

KUALA LUMPUR: Opis Menteri Pengerai deka numbuhka ‘klinik virtual’ ba selampur menua dikena nambahka pemanah enggau ngintu pengerai pesakit luar.

Sapit Menteri Pengerai Dr Lee Boon Chye madah, nengah klinik tu pesakit ulih mendingka penerang chara nyaga pengerai nengah online lalu enda ibuh betemu mua enggau lutur ba renggat tumu.

“Kami benung beratika sekeda pekara baka pengelikun data enggau resia,” ku iya ngagai pemberita pengudah bejadi Aum Besai Pengerai ASEAN 2019 ditu, kemari.

Ku Dr Lee, bisi lima ‘klinik virtual’ ba klinik pengerai dipejalai Opis Menteri Pengerai nyadi projek perintis berengkah bulan Mei tu tadi iya nya Klinik Pengerai Seksyen 7 Shah Alam, Klinik Pengerai Seberang Jaya, Pulau Pinang, Klinik Pengerai Putrajaya Presint 18, Klinik Pengerai Luyang Sabah enggau Klinik Kesihatan Tudan Miri, Sarawak.