KUCHING: Produk Rania Kelupis Pulut kala teulihka asil manggai RM40,000 kelimpah mujur rembus ngagai makit ba Semenanjung enggau Brunei.

Ku pemungkal kelupis pulut tu Siti Hawa Serkawi ari Miri produk kelupis iya bisi dua bansa iya nya tulin enggau besambal.

“Kelupis pulut aku dibalut enggau daun lung tumbuh ba sebelah kampung.

“Pia mega, kelupis kami tu muntang disumai iya nya semina dikukus aja,” ku iya.

Siti Hawa dirandau Suara Sarawak lebuh bejual kelupis pulut beserimbai enggau Agrofest Sarawak di Stadium Nengeri Sarawak ditu, pagi tadi.

Ku iya, pengawa nyual kelupis tu bepun ari taun 2012 bisi tepagang enda lama sebedau disambung baru ba taun 2015.