KUCHING: Asil betanam betupi di Malaysia agi baruh banding enggau menua maju bukai ti semina manggai 45 peratus aja.

Menteri Muda Betanam Betupi, Tanah Adat enggau Pemansang Kandang Menua Datuk Dr Abdul Rahman Ismail madah, agi tubah pengawa patut dipejalai dikena nyapai asil nitihka tagit.

“Kepala Menteri Datuk Patinggi Abang Johari Tun Openg endang meransang semua opis menteri meri sukung tegut nempa Sarawak nyadi menua eksport pemakai manggai taun 2030.

“Menteri Besai Tun Dr Mahathir Mohamad mega minta bantu ari Abang Johari ngemansangka sektor betanam betupi moden laban Sarawak ngembuan dandang tanah pemadu besai urung 2 juta hektar,” ku iya.

Abdul Rahman bejaku munyi nya lebuh bejadika Licha Revolution Agriculture Through Industry 4.0 di Malaysia Productivity Corporation (MPC) ditu tadi.