KUCHING: Kaunsil Dagang Temuai Sarawak (STB) ngerami 100 pemberita ditu ba Pengerami Ngenang Jasa Pemberita.

Ketuai Pemesai Eksekutif STB Sharzede Salleh Askor madah, pemberita deka nyadi bakih STB kelebih agi ba makit dagang temuai menua Sarawak enggau menua luar.

“STB deka seruran nyaga pemanah kaul enggau raban pemberita ba semua endur lalu bekunsika juluk ngelakuka dagang temuai ditu.

“Kebuah pia ngambika industri tu terus meri pemaik ngagai semua rayat Sarawak,” ku iya.

Sharzede mansutka jaku nya rambau Pengerami Ngenang Jasa Pemberita ba Gates of Heavens ditu malam tadi.