KUCHING: Opis ba baruh Opis Pengintu Pengelantang Pendiau, Komuniti, Orang Indu enggau Pemansang Anak Mit (KWKPK) dilalau ngambika ngemeratka pekara bekaul enggau Ripot Audit Menua.

Menteri iya, Datuk Seri Fatimah Abdullah madahka lalau ari Opis Audit patut dikemerat ngambika atur sereta pejalai program ulih digaga enggau manah agi sereta bisi integriti.

“Tu nyengkaum ari sukut pengawa ngatur ba pekara aset enggau stor, wang, asil penatai pemisi enggau belanja sereta perengka pengangkut.

“Ari sukut wang, tiap raban opis patut beratika ari sukut ngatur belanja, ngatur asil penatai pemisi enggau akaun amanah,” ku iya.

Fatimah madah munyi nya lebuh bejadika Pengerami Makai Lemai Hari Integriti 2019 Opis Indu enggau Ruang Bilik Sarawak (JWKS) enggau rambai jaku Integriti: Dalam Pengidup enggau Pengawa Tiap Hari ba sebuah hotel tebilang ditu, kemari.