SARATOK: Anang sanggu mantaika peminta ngagai pengari rayat ngambi nyamai diperunding sereta ngiga chara ngemujurka iya, ku Kaban Parlimen Saratok Ali Biju.

Ali madah, rayat mega patut nemu hak sida sereta pintar runding ngena peluang enggau jalai ti patut endur ngenataika peminta sida ngambika ngasi agi didinga.

“Bala tuai rumah ti nyadi ketuai renggat baruh endang diperansang mai sada tauka sebana nembiak redak ngagai piak ti patut nentuka sida enda kena kelaung ari sebarang projek pemansang.

“Nya alai taun baru tu kitai deka ngatur pengawa mayuh agi ari ke udah laban aku sedarka Pelilih Mit Nanga Budu enggau Kabo ditu agi randakka pemansang,” ku iya.

Ali mansutka jaku tu lebuh dipebasa bejadika Hari Panel Penyanding Penemu Beperesa Orang Tuai diatur Klinik Nanga Budu, pagi tadi.