3,000 pengundi Sg Sut nyukung Nyuak

KAPIT: Pengerami Begulai enggau Pemesai, Dato Kristoffer Nyuak Bajok diatur di Rumah Kaya, Nanga Lobak, Sungai Sut ditapat nyauka semua peranak di Sungai Sut, empai lama.

Pengerami nya diatur dikena makai selamat peranak Sungai Sut ti udah rejister nama enggau Parti Sarawak Bersatu (PSB) sereta kelai sukung ngagai Dato Kristoffer Nyuak nyadi Ketuai PSB Sitak Kapit.

Tebal agi sida ke datai madahka diri berasai lantang ati laban Nyuak enda kakang nyanggup ngulu pengerami ke diatur sida nya.

Ba pengerami nya mega, pengundi di Sungai Sut, betubuh 3,000 iku madahka sida deka nyukung Nyuak sereta nyukung sebarang chalun PSB bediri minta pilih ba Pengawa Bepilih Nengeri (PRN) enda lama agi.

Sida ngasaika Nyuak chalun ke engkeman dianjung PSB bediri laban iya endang peranak asal menua nya kelimpah semampai nulung sida dia maya bisi penusah nuntung ngelama tu.

Ba sida, iya meseti diangkatka PSB nyadi chalun lalu sida dia naka ulih nyukung ngambika Nyuak nyadi pengari rayat menua nya.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak