Kitai meseti puh nyaga pengerai diri

KUCHING: Semua aktiviti ti manah ungkup pengerai di menua tu deka terus disukung.

Menteri Muda ba Opis Kepala Menteri (Undang-undang, Kaul Sarawak enggau Perintah Besai sereta Matau Projek) Datuk Sharifah Hasidah Sayeed Aman Ghazali madahka endang nyadi tanggungpengawa rayat Sarawak ngembuan pemanah pengerai ba tubuh.

“Dalam Sarawak semua rayat ukai semina ngembuan meseti bepengerai ba tubuh aja, tang ba politik enggau pekara bukai.

“Kitai meseti puh nyaga diri ari sebarang bansa penyakit,” ku iya. Iya bejaku munyi nya lebuh datai ngulu Program Pink for Healthy Lifestyle di Pustaka Negeri Sarawak ditu, lemai tadi.

Program tu diatur Kelab Zdance Kuching.

Ku iya, program ti diatur nya dikena ngaul sereta mai mensia mayuh ngembuan gaya pengidup ti bepengerai nengah aktiviti betanda tauka ‘fitness dance’.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak