Kontinjen Sarawak udah sedia napi Sukma 2020

KUCHING: Kontinjen Sarawak deka ngambi bagi dalam 32 lumba enggau main nyerumba Lumba Malaysia 2020 (SUKMA 2020) deka diatur kena 11 ngagai 19 Julai 2020 ba Johor Baharu, Muar enggau Kota Tinggi, Johor.

Menteri Nembiak enggau Lumba, Datuk Abdul Karim Rahman Hamzah madahka Sarawak udah nyikap semua tim ti bepekit ba taun 2018 tu tadi ngena bantu ari Unit Lumba Tinggi Kaunsil Lumba Nengeri Sarawak (MSN Sarawak) begulai enggau ejensi bukai sereta gerempung lumba menua.

Ku iya, sida udah nyendiaka diri nyengkaum latih intensif berenggat ti deka berengkah taun baru ungkup Prospek Midul Lumba.

“Tiga kategori pekit e-lumba deka diatur iya nya DOTA 2, Mobile Legend enggau Pro Evolution Soccer (PES) ungkup SUKMA 2020 ke deka datai.

“Pekit e-lumba ti diatur begulai ari SSC, Gerempung E-Lumba Sarawak (SESA) enggau Opis Nembiak enggau Lumba ba City One Megamall dikena SESA ngiga penau dalam lumba ari mensia mayuh kelebih agi ngansah penau bala nembiak.

Karim mansutka jaku nya lebuh nyimpul jaku beserimbai enggau Aum Besai Kedua Renggat Keempat Kaunsil Nengeri ke-18, ditu kemari.

Karim mega madah, e-lumba udah nyadi komponen tambah kenyau bulan Januari tu tadi dikena nyendiaka diri maya SUKMA 20 di Johor ti deka diatur Kaunsil Lumba Sarawak (SSC) enggau Kaunsil Lumba Nengeri Sarawak (MSN Sarawak).

Nangkan nya, Karim madahka program ti diatur begulai nya udah nempa sejarah dalam e-lumba ngambi terus dikemansang ba Sarawak.

Ku iya, entara pemujur dijapai kitai naka diatu iya nya tim e-lumba Sarawak dipadu nyadi champion dalam Pekit Mobile Legend rambau Bulan Lumba Menua (BSN) 2019 di Bukit Jalil.

Pia mega ku Karim, Lumba Sarawak tauka SUKSAR deka diatur ba Miri kena 9 ngagai 13 Disember tu.

SUKSAR nya lumba renggat nengeri ti mai mayuh penau baru ungkup semua lumba dikena ngemansangka penau enggau ngangkatka lumba ba Sarawak ngagai renggat ke tinggi agi.

kelimpah ari nya, Karim madah bisi 1,728 penyereta ari atlit enggau pemesai disadang nyereta SUKSAR Kedua ba Miri lalu kesemua zon deka bepekit 16 lumba nyengkaum lumba nyemerai, volleyball,  penchak silat, e-sukan, angkat berat, hoki, petanque, lumba ensikal, badminton, memanah, sepak takraw, ragbi tujuh sepiak, basketball, olahraga, squash enggau tinju lelaki.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak