BINTULU: Semua opis enggau ejensi perintah meseti numbuhka unit integriti sida dikena nentuka pemesai dilatih diberi tanggungpengawa bekaul chara gawa, integriti enggau enda ngereja penyalah makai suap.

Kepala Menteri Datuk Patinggi Abang Johari Tun Openg madahka ulah integriti ngagai pengereja perintah di Sarawak beguna amat dikena nentuka pemansang mengkang tegap dudi hari.

Iya madah, naka diatu bisi tiga pangku pengawa khas ungkup integriti udah dianjung ngagai ejensi bekaul seraya ngarapka unit nya udah ditumbuh ngambi munaska ulah ke enda menuku baka salah guna kuasa, penyalah makai suap enggau ke bukai.

Abang Johari mansutka jaku nya lebuh bejadi Pengawa Nutup Program Pemesai Integriti Dilatih tauka Certified Integrity Officer (Cel0) Siri 23 Bilangan 3 Taun 2019  ba sebuah hotel tebilang di Bintulu ditu, pagi tadi.