MIRI: Macham inisiatif dipejalai Perintah Sarawak mantu raban nembiak dikena ngansah penau kelimpah dikena ngenang jasa sida ngagai menua tu.

Kepala Menteri Datuk Patinggi Abang Johari Tun Openg madah, tu inisiatif perintah nyidi penau enggau pengulih raban nembiak ba mayuh bengkah pengawa nyengkaum main asal, pengelandik nurai enggau penau nengkebang.

Ku iya, nentuka raban nembiak diberi peluang nyapai pemujur besai agi nyentuk renggat entarabansa, siti ubah udah dipejalai dikena nyapai juluk nya.

“Aku udah ngubah Gempung Parti Sarawak (GPS) ke alai kitai nyiri siku menteri nyaga pekara nembiak enggau lumba.

“Tu meri fokus ngagai rebak nembiak menua tu ngambika sida ulih dikaul sereta diberi latih ti chukup,” ku iya.

Abang Johari mansutka jaku tu lebuh bejaku ba Pengerami Ngelanchar Pengawa Ngintu Hari Nembiak2019 Renggat Nengeri Sarawak di Stadium Tertutup Miri ditu pagi tadi.