LAWAS: Palan Inteprestasyen Heart of Borneo (Hob) ba sitak Kampung Galau Kayangeran ditu udah tembu 88 peratus.

Sapit Kepala Menteri Datuk Amar Awang Tengah Ali Hasan madahka Palan Interprestasyen Hob nya palan keterubah ba Sarawak.

“Project Heart of Borneo (HOB) nya sebengkah kerejasama entara Malaysia, Indonesia enggau Brunei Darussalam ke alai kitai keran bejalaika inisiatif nyaga kampung ba menua tu.

“Palan tu deka nyadi galeri, opis pengatur pengawa enggau pansik utai idup enggau utai idup ke bisi dalam kandang ke udah diaku di baruh Projek Hob,” ku terang Awang Tengah.

Iya mansutka jaku nya pengudah ngabas taba projek Palan Interprestasyen Hob kena Hari Satu tu tadi.
Awang Tengah mega ngarapka palan nya deka nyadi pemun pengatur projek Hob kelimpah nyadi pematak eko dagang temuai ba Lawas pengudah palan tu tembu digaga.

Iya rindu meda gaya begunan nya ke chukup nyelai seraya madahka renggat kedua palan nya ngaul pengawa ngaga infrastruktur ba sitak kampung galau ngelingi begunan nya.

Sama datai Menteri Muda Menteri Muda Betanam Betupi, Tanah Adat enggau Pemansang Kandang Menua Datuk

Dr Abdul Rahman Ismail, Kaban Parlimen Lawas Datuk Henry Sum Agong, kaban Parlimen Limbang Hasbi Habibollah enggau Adun Batu Danau Paulus Palu Ngumbang.