KUCHING: Turu pelajar dikena mantu nembiak Bukit Saban ke deka nampung pelajar tinggi deka ditumbuh ba taun baru.

Sapit Kepala Menteri Datuk Amar Douglas Uggah madah iya enggau Kaban Parlimen Betong, Datuk Robert Lawson Chuat deka sama nyuaka pemeri ungkup turu nya.

Iya madah munyi nya rambau pengerami Krismas enggau Taun Baru ke diatur Nembiak Bukit Sabah ba sebuah hotel ditu, apin lama ke udah.

Uggah ke mega Adun Bukit Saban madah buah penemu deka numbuhka turu nya bekau ari program randau muaka lemai begulai enggau urung 130 iku nembiak.

Ku iya, iya enggau Chuat empu deka meda nembiak Bukit Sabah ulih besemekih enggau nembiak bukai.

Tandu Uggah, seduai iya deka meda sida ngembuan pelajar ke pemadu manah.

“Enti sida teulihka tikas pelajar ke manah, dia sida deka muntang bulih pengawa enggau pengidup ke lebih manah.

“Sida mega ulih mantu ngemansangka sitak tu, menua Betong enggau pemansang ke bukai ke majak berupai,” ku iya.