Berami, serumpu enggau kaban lama

KUCHING: Parti Rayat Sa’ati Sarawak (SUPP) Pampang Kuching deka ngatur Pengerami Makai Lemai Padungan Night kena 28 Februari 2020 tu.

Pengerami makai lemai nya deka diatur ba Thian Court, Crown Square ditu.

Sapit Chairman SUPP Pampang Kuching, Bong Lian Huan madahka pengerami nya endur betemu enggau kaban lama ke datai ari jauh enggau sida ke gawa ba mengeri Kuching ditu empu.

“Pengerami tu mega dikena ngumpul belanja ungkup SUPP Pampang Kuching,” ku iya.

Iya mansutka jaku ba aum pemberita di Opis SUPP Pampang Kuching ba Jalai Padungan, ditu tadi.

Tikit pengerami makai lemai nya dijual berega RM60 sekepala tauka RM600 semija.

Nangkan nya, tikit VIP dijual berega RM1,000 semija seraya VVIP berega RM2,000 semija.

Bisi 60 iti mija standard enggau bela 20 mija ungkup raban VIP enggau VVIP.

Suara Sarawak