Chiri orang bukai ngatur PSP

KUCHING: Gerempung Pengajar Sarawak (STU) nerima manah Program Makai Pagi Nadai Bebayar (PSP) dipejalai Opis Menteri Pelajar Malaysia (KPM).

Presiden iya, Macky Joseph madah, taja pia STU ngansak opis menteri nya mega enda ngasuh pengajar bejalaika pangku pengawa ba program nya.

“Manah agi bala pengajar bejalaika pangku pengawa sida empu lalu enda ibuh ngaul diri ba program tu.

“STU enda setuju enti pengajar diberi tanggungpengawa ba program tu. STU irauka mayuh agi tating pengawa dilempai ngagai bala pengajar baka ripot enggau dokumentasyen,” ku Macky.

Ku penemu iya, pengajar patut diberi awak ti chukup endur ngelanggur utai deka diajar sereta nyediaka diri ungkup kelas.

Suara Sarawak