Deriba bebadi nyawa, penumpang raya bakal

KUCHING: Deriba bebadi nyawa, lalu siku agi ti numpang iya raya bakal pengudah motosikal ke ditepan seduai iya ensayar ba Jalai Stutong Baru, pagi kemari.

Ketuai Opis Pansik enggau Penerit Adat Trafik Sarawak, Supt Alexson Naga Chabu madah penusah nyadi urung pukul 4 pagi bepun ari motsikal nya ensayar lalu ngelantak pun kayu ba tisi jalai.

Ku iya, seduai ke bebadi nya dalam rantau jalai ari Jalai Stutong Baru nuju ke Jalai Padang Bilun Kuching.

Ripot diterima ba kaunter Trafik Indu Opis Polis Pelilih Kuching urung pukul 4.55 pagi sebedau sekeda raban polis ngesah palan penusah.

“Siku ari seduai ke bebadi, Suzie Jemat beumur 41 taun dikenuku raban paramedik Sepital Besai Sarawak (HUS) bebadi nyawa ba palan penusah nyadi laban balat bakal ba pala.

“Siku ke numpang iya semina bakal ba kaki lalu udah dianjung berubat ngagai HUS,” ku iya nengah sebengkah penerang kemari.

Alexson madah, iya bebadi nyawa nya udah dibai ngagai rumah mati HUS ngambika dipansik silik.

Kenu ku iya, gaya hari ke ujan memesi sereta dipelabaka jalai lichin ngujungka motosikal nya ensayar lalu eksiden.

Nangkan nya, iya madah kes dipansik nitihka Seksyen 41(1) Akta Pengangkutan Jalan 1987.

Suara Sarawak