Eksport kereban rumah nyadi pemansut besai S’wak

BANDUNG: Sarawak nagit eksport produk kayu ramu RM10 bilion manggai taun 2030 seraya RM6 bilion ari eksport kereban rumah, pia ku Kepala Menteri Abang Johari Tun Openg.

Iya madahka Sarawak meseti nambahka pemansut nengah industri strategik baka asil kampung ngambika Perintah Sarawak ulih ngena manah lalu nerima asil ari pemansut nya.

Iya mansutka jaku nya lebuh bejadi ba Konvokesyen tim nembiak keterubah Program Penengkebang Biak (Poyod) di baru Kaunsil Pemansang Industri Kayu Ramu Sarawak (STIDC) di Institusyen Teknologi Bandung (ITB) di Bandung, Indonesi, ditu tadi.

Kepala Menteri ngagai Bandung tadi ngemata konvesyen tim keterubah nembiak Poyod ke udah nembuka kus setaun ba ITB enggau Universiti Malaysia Sarawak (Unimas).

Abang Johari madahka penyampau RM5.4 bilion ari eksport produk kayu batang dalam taun 2018.

Nambahka nya ku iya, ari penyampau nya, eksport kereban rumah semina penyampau RM43 juta tauka 0.8 peratus.

Suara Sarawak