Nembiak autisme begunaka sukung komuniti

KUCHING: Bisi 121 iku nembiak ari Gerempung Autism Kuching nerima bantu beserimbai enggau pengerami Hari Krismas ti deka diintu enda lama agi.

Chairman Opis Pemansang Ekonomi Sarawak Tan Sri Datuk Amar Abdul Aziz Husain madahka nembiak ti ada nyadi autisme patut disukung laban napi pemar ti enda sebaka enggau nembiak bukai.

“Sida begunaka sukung ari komuniti ngambika diembing laban sida agi lemi napi pemar pengidup kemaya hari kelebih agi apai indai sida.

“Nya alai, enggau ngatur program ‘Love-In-A-Box’ tu kami andalka nembiak sereta apai indai sida ti nyelai pendiau tu ulih gaga sereta besemengat ngintu hari besai baka Hari Krismas,” ku iya.

Abdul Aziz bejaku munyi nya ba Program nyuaka ‘Love-In-A-Box’ ngagai nembiak autism di Gerempung Autism Kuching (KAA) ba Jalai Desa Wira ditu, pagi tadi.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak