Penguang andal ulih ngetanka sitak Marudi

KUCHING: “Aku chukup andalka diri ulih ngetanka penuduk aku ba sitak Marudi,” ku Adun sitak nya Datuk Penguang Manggil.

Ku iya, ba pengawa Bepilih Nengeri (PRN) ti deka datai, iya endang seruran besedia ngetanka penuduk iya ba Marudi.

“Ba aku, ninting hari, minggu enggau taun endang baka ke pengawa bepilih.

“Taja aku madah diri aku ulih ngetanka penuduk aku di Marudi, tang aku enda ulih nyaut penuduk orang bukai di sitak ke bukai,” ku iya.

Penguang madah munyi nya lebuh dirandau pemberita pengudah pengerami makai lemai Parti Demokratik Progresif (PDP) enggau Media di Hock Lee Centre ditu, malam tadi.

Suara Sarawak