Rumah Julau angus, dua pintu aja selamat

SIBU: Dua pintu rumah ke bela betampung enggau bilik bukai ba Rumah Julau di Jalai Teku-Pasai Siong, Sibu ditu selamat ari penusah angus, pagi tadi.

Nitihka penerang ari Bomba, sida nerima kangau ari mensia mayuh pukul 10. 52 pagi sebedau Opis Bomba Sungai Merah enggau Opis Bomba Sibu ngesah penusah nya.

Datai ba dia, ari 12 pintu semina dua pintu aja enda kena serarai api.

Bomba mujur ngerara api ari ke terus nyerarai.

Nadai penusah bakal enggau penusah bebadi diripotka nyadi.

Naka berita ditulis pun penusah mengkang dipansik sereta penyampau pengerugi empai dikenuku.

Suara Sarawak