Rumah Setia udah disambung karan

SIBU: Perintah Sarawak majak mantu peranak menua pesisir ngasaika pengelantang bekal kuasa karan 24 jam nengah Skim Elekterik Menua Pesisir (RES).

Peranak Rumah Setia Api ba Sungai Menyan ditu berasai lantang pengudah projek RES dikemendar Opis Menteri Utiliti apin lama ke udah.

Udah tu, 54 buah rumah panjai agi ba sitak Dun Dudong mega deka ngasaika bekal kuasa karan nengah RES enda lama agi.

Pekara tu ditukuja Chairman Parti Sa’ati Rayat Sarawak (SUPP) Pampang Dudong Wong Ching Yong lebuh bejaku bejadika RES ba Rumah Setia, Sungai Menyan, malam Hari Minggu tu tadi.

Sama datai Tuai Rumah Setia sereta bala ketuai raban bansa ari kandang ngelingi Sungai Menyan.

Kenu ku iya, Rumah Setia udah berengkah ngasaika RES dalam bulan Oktober tu tadi ari penyiru perintah nengah Presiden SUPP Dato Sri Dr Sim Kui Hian.

Suara Sarawak