Suksar pelasar ngiga atlit baru ungkup pekit renggat tinggi

MIRI: Lumba Sarawak (Suksar) deka nyadi pelasar endur ngiga penau baru ngambi bepekit ngagai renggat ke tinggi agi dudi hari.

Kepala Menteri Datuk Patinggi Abang Johari Tun Openg madahka lumba Suksar ti diatur dua taun sekali nya dikena beratika penyulut atlit menua tu.

Ku iya, tu sebagi ari chara nyikap atlit Sarawak besemekih dalam lumba ba renggat nasional enggau entarabansa.

Iya mansutka jaku nya lebuh Pengawa Bejadi SUKSAR edisyen ke-2 2019 di Stadium Tertutup Miri ditu, lemai tadi.

“Kitai ngatur Suksar tu entara lumba di Sarawak kelimpah strategik ngelala atlit ti bepengulih dikemansang ngagai renggat ke tinggi agi.

“Sarawak enda jauh dalam Lumba Malaysia (Sukma) sebedau tu lalu ngarapka ulih menang Sukma ke deka diatur ba Johor taun baru,” ku iya.

Suara Sarawak