Jelatung baru SK Tegelam dikemanah

SIMUNJAN: Sekula Primari (SK) Tegelam, Simunjan nerima bantu RM500,000 dikena ngaga baru jelatung ti udah runtuh.

Kepala Menteri Datuk Patinggi Abang Johari Tun Openg madahka bantu nya dikena ngemuntangka bala nembiak sekula ti nengah jelatung nya maya nurun ke sekula ninting hari.

“Enggau tu, aku ngemendarka bantu RM500,000 dikena ngaga jelatung baru,” ku iya.

Iya bejaku munyi nya lebuh bejadika Program Rindok Digital ba Pasar Simunjan ti diatur Sarawak Multimedia Authority (SMA) ditu, pagi tadi.

Suara Sarawak