Zin Hing nyilih Jamilah

KUCHING: Direktor Sepital Besai Sarawak (HUS) Dr Chin Zin Hing dichiri nyadi Direktor Opis Pengerai Nengeri Sarawak ti baru.

Zin Hing nyilih Dr Jamilah Hashim mangku pengawa nya berengkah ari sehari tu.

Jamilah nyabak lebuh diasuh bejaku kemari lalu madahka iya badu gawa laban pinchin pengudah lebih 30 taun gawa.

“Nyentuk sehari tu (kemari) aku beruntung laban diberi Petara pengerai ti meruan dataika maya aku pinchin gawa.

“Beberapa bulan ti udah, aku sigi udah nyikap tubuh enggau runding diri sebedau pinchin,” ku iya.

Nangkan nya, Zin Hing ba jaku keterubah iya kemari madahka diri andalka semua pengereja pengawa ba Opis Pengerai seruran meri sukung sereta nyaup iya ngemujurka pejalai pengawa.

Iya bejaku munyi nya ba Program Nyerah Pengawa Direktor Opis Pengerai Nengeri Sarawak ngagai Zin Hing di Opis Pengerai Nengeri Sarawak ditu, ensanus.

Suara Sarawak