LIMBANG: Sepenyampau 3,100 iku gerama ti ditupi ba palan nupi utai idup Serikat Ginger and Coconut enggau 5,000 iku undang ari Stesyen Pengawa Berikan di Punang, Lawas ti dilepas ungkup sistem tagang sungai Nauran ditu, kemari

Menteri Muda Betanam Betupi, Tanah Adat enggau Pemansang kandang Menua, Datuk Dr Abdul Rahman Ismail madahka pengawa ngelepas telu gerama dipejalai ba endur ti strategik.

Ku iya, sungai Nauran nya sitak bakau enggau tebilang endur minto gerama kelebih agi bansa kalok ba bagi menua Limbang berega urung RM17 ngagai RM28 sekilogram nitihka pemesai ketam.

“Bisi 60 orang ti suah minto gerama beoperasyen ba sepanjai sistem tagang pemesai 4.3 kilometer ngaul zon merah (Lubok Batu Meligai), zon gadung (Lubok Sungai Bekanai) enggau zon kuning (Kuala Sungai Nauran),” terang iya.

“Ketam tu nerima peminta tinggi enggau dipelaba 4 taun dikeulih sida sebulan,” ku iya ba Pengawa Ngelepas Gerama enggau undang galah ba Projek Sistem Tagang Ketam Kampung Nauran, ditu tadi.

Rahman ti mega Adun Bukit Kota madah, ketam kalok deka dijual nengah sistem tagang ti dikemansang ba Kampung Nauran ditu nyadi projek pemungkal ba kandang menua utara bepengulih dikemansang nyadi eko dagang temuai.

Ku Rahman, diatu bisi tiga tagang dikemansang ba Sarawak nyengkaum Kampung Bako (Kuching), Jerijih (Mukah) enggau Kampung Nauran (Limbang).

“Ba Langgur Pemansang Lumpar Ke-11 (RMK11), projek Sistem Tagang nerima agih belanja RM9.1 juta dikena bejalaika 127 projek baka nya ba selampur Sarawak.

“Ba Bagi Menua Limbang, sepenyampau RM607,350 agih belanja diterima ngaul 17 projek sistem tagang iya nya empat projek ba Limbang enggau 13 di Lawas,” ku iya.