SRI AMAN: Pengawa ngaga jematan gantung meraka Sungai Undop ba sitak kampung Nyakai Baroh deka ngemuntangka peranak enda nengah jalai sungai lebuh ngelayang ngagai seberai menua nya.

Menteri Muda Pengintu Pengelantang Komuniti ti mega Adun Simanggang, Francis Harden Hollis madahka projek beungkus RM329,994.87 nya entara agih belanja di baruh Projek Transfomasyen Menua Pesisir (RTP) ari Perintah Sarawak.

“Projek ngaga jematan gantung tu ngemuntangka peranak ngelingi sitak Nyakai berimbaka tanah ngereja aktiviti betanam betupi ba seberai lalu dikearap inisiatif tu ulih nambahka penatai pemisi sida.

“Pejalai projek tu terang bendar nunjukka pemanah Perintah Besai dipegai Gempung Parti Sarawak (GPS) keran nentuka rayat Sarawak nerima hak sida baka dipasuk dalam Sempekat Malaysia (MA63),” terang iya.