KUCHING: Menteri Pengintu Pengelantang Pendiau, Komuniti, Orang Indu enggau Pemansang Anak Mit (KWKPK), Datuk Seri Fatimah Abdullah ngarapka kabinet Perintah Besai ke baru deka inklusif.

Ku iya, Menteri Besai Ke-8 Tan Sri Muhyiddin Yassin patut ngena pemintar sereta pengelandik iya milih kaban kabinet ke baru.

“Kitai nemu Sarawak seruran diteju ngatika diri ari menua bukai di Semenanjung Malaysia.

“Nya alai aku ngarapka iya (Muhyiddin) mega mendingka peminta Sarawak laban kitai enda nginsit ari ngetanka hak menua tu,” ku iya.

Fatimah madah munyi nya lebuh dirandau pemberita pengudah bejadika Happy Family Day di SJK (C) Chung Hua No.3, Padungan ditu, tadi.