KUCHING: Kes saman malu Dato Sri Wan Junaidi Tuanku Jaafar ngagai Chong Chieng Jen udah teputar enggau manah ba Kort Tinggi Kuching, ditu tadi.

Kenu ku Wan Junaidi ke mega Ahli Parlimen Santubong, pekara nya diputar nitihka leman peminta baka ba limpir keretas akim ti dibantaika Akim, Yang Arif Dr Lim Hock Leng.

“Aku berasai lantang laban kes tu udah teputar,” ku iya ba sebengkah penerang.

Wan Junaidi ngaga saman malu ngagai Chieng Jen ke mega Chairman DAP Sarawak berindik ari penerang dikeluar ba sebengkah surat berita menua tu kena 1 April 2019.

Iya minta Chieng Jen matak pulai penerang nya sereta minta ampun.

Berindik ari pemutus nya, Wan Junaidi madahka tuju udah dijapai lalu udah mulaika pemanah nama enggau integriti iya.

Chong Chieng Jen